فرفور نسى كراسته
قال ايه الولد دكر
شايل سيفه ورايح يحارب
تسالوه رايح فين يا فرفور ؟
يقول رايح احارب فى بلاد العرعر
ننبسط ونسكر ويكركر ويهمس بكلام الحب
ينشد كلام فى الغزل فى حجابها ونقابها واللبس الطويل ويمدح فى عقيدتها اللى حرمت الاند وير
الواد اصله فرفور نسى نفسه ونسى كراسته اللى ملازماه من يوم ما انولد
نسى انه اتكتب فيها المولد دكر مسيحى ومصرى البلد
ومكتوب عليه يتهان ويتلعن فى كل يوم وفى كل بلد من يوم ولادته لغاية مماته . ان مات طبيعى تمر جنازته يقولوا اتكفت وجهنم النهرده زادت نفر وان مات مقتول نسوان تزغرد والطوب يتحدف على جنازة الولد
نسى انه فى كراسته مكتوب عليه يتعلم يذاكر ويمتحن فى يوم اعياده وان نجح فى النظرى لاممكن ابدا هينجحوه عملى وان نجح فى الاتنين ادى شنبى ان طال الولد لقمة عيش فيك يا بلد
مكتوب فى كراسته يصلى فى عشه فى قشه او ميصليش ويصلى ليه ابو اربعه ريشه
ونسى فى كراسته انه يموت ولا يحلم يوم ان يمسك وزير ولا حتى محافظ ولا قيادى من أي نوع . ابن الكلعون متصور نفسه من البلد !!!
ابن الفقريه مسك فى ايده 100 جنيه وحب يعمل فيها دكر .
طيب يسال !!
يستقصى !!!
ينفع يضحك او حتى يبتسم فى بلاد العرعر ؟
يسد نفسه نسى كراسته وكتاباتها بالاحمر بدم اجداده وبدم كنيسته
اخس عليك فرفور حاولت تفرفر
عمر يا ابنى الطلمه ما بتتخلط بالنور
ولا لينا احنا فى الكلام دا المهتور
ولاندفع قرش لمسلمه ولو حتى كانت من الحور
عيب عليك فى الفاضيه تفرفر
طيب شد حيلك وامسك كراستك واثبت فى الحسن
المشاركات
ليست هناك تعليقات:
إرسال تعليق