بنحبك يابلدي
رغم كل مخاوفنا
رغم التعب واليأس
رغم كل قرفنا
بنحبك رغم الفساد
رغم الكساد
رغم البطالة
اللي بتنهش في العباد
بنحبك يابلدي
رغم كل مخاوفنا
بنحبك رغم الهموم
رغم الديون
رغم أيدين الظلم اللي بتخنق أحلمنا
بنحبك يابلدي رغم كل مخاوفنا
بنحبك رغم الضياع
رغم الجياع
رغم أنياب الفساد اللي نهشت أجسدنا
بنحبك يابلدي
رغم كل مخاوفنا
بنحبك رغم السدود
رغم القيود
رغم رياح الذل اللي بتكسر مجادفنا
بنحبك يابلدي
رغم كل مخاوفنامخاوف من اللي جاي بكره
وبكره جاي والا هنكون ذكري
ذكري لشعب أنكسر
لشعب أنتحر
لشعب من جواه أنفجر
بنحبك يابلدي رغم قرفنا
رغم قرفناكلنا بنحب مصر
ذي ما حبوا العراق
كلنا بنحبها
الحرامي بيحب مصر
الفاسد برده بيحبها
المفسد بيحب مصر
حتي وهو بيسرق أهلها
اللي بينهب شعبها هو كمان بيحبها
اللي عري لحمهابيحبها
اللي شفط دمها بيحبها بيحبها
واللي مصمص عضمهاهو كمان بيحبها
اللي ما أختشي ولا أستحي هو كمان بيحبها
كل أيد بتهد في البلد كل ضمير مات وأتوؤد
كلهم بيهتفوا بحبها شببها ضايع ...صايع على أرضها
ما كلنا أهو بنحبها
أرفع عيني لرب السما
وبقلب كله غضب بصرخ الله يخرب بيت اللي ما يحبها
الله يخرب بيت كل شافط دمها
الله يخرب بيت كل اللي بيرقص على قبرها
ياربي .....ياربي العظيم
أقول أيه....مبقاش لينا مكان على أرضها
ما كلنا هنهج منها
وأحنا بنصرخ بنحبها بنحبها
مع محبتي
الصياد اللي هيموت وهو بيحبها
المشاركات
ليست هناك تعليقات:
إرسال تعليق